題組一 阮三個人坐 tī hit 間小小 ê 鉛 phiánn 厝內面,講起我出
國以前 ê 代誌。
阿珠 iáu 會記得,我買粽藏 tuà 冊內面,我問伊 iáu 有 teh
賣粽無?伊講伊 ê 老父過身了,就無 koh 賣粽,也無心情去
pa̍ k 粽。才講起甘苦伯--á ê 代誌。我出國了後無 lōa 久,有人
風聲,講二二八事件 ê 時,湯德章先生 tī 石像公園 hōo 人槍
殺,去 kā 湯德章收屍 ê tō 是上帝廟賣粽 ê 甘苦伯--á。我會記得 hit 時湯德章先生 hōo 人槍殺了,伊 ê 身屍 tàn tī 石像公
園,三暝三日無人敢去收 tâi。
為 tio̍ h 這項風聲,警察便衣常常來甘苦伯--á 厝裡 lo-so,
問東問西。過無外久,有一日伊 tī 公園路口 hōo 一隻十輪大
卡車撞死,teh 死 tī hit 叢鹽桑樹 ê 頭前,伊 ê 菜粽 iā kah 一
四界。
(陳雷〈出國這項代誌〉節錄)
【題組】97. 根據頂面的內容改寫做教育部標準臺語漢字,以下選項
佗一个是正確的?
(A) 原文「阮三個人坐 tī hit 間小小 ê 鉛 phiánn 厝內面」,
全漢寫做「阮三個人坐佇彼間小小的鉛鈵厝內面」
(B)原文「阿珠 iáu 會記得,我買粽藏 tuà 冊內面,我問伊
iáu 有 teh 賣粽無?」,全漢寫做「阿珠猶會記得,我買
粽藏蹛冊內面,我問伊抑有咧賣粽無?」
(C)原文「我會記得 hit 時湯德章先生 hōo 人槍殺了,伊 ê
身屍 tàn tī 石像公園,三暝三日無人敢去收 tâi。」,全漢
寫做「我會記得彼時湯德章先生予人槍殺了,伊的身屍
擲佇石像公園,三暝三日無人敢去收埋。」
(D) 原文「有一日伊 tī 公園路口 hōo 一隻十輪大卡車撞死,
teh 死 tī hit 叢鹽桑樹 ê 頭前,伊 ê 菜粽 iā kah 一四界。」,
全漢寫做「有一日伊佇公園路口予一隻十輪大卡車撞死,
砮死佇彼叢鹽桑樹的頭前,伊的菜粽掖甲一四界。」。