試卷測驗 - 112 年 - 112 臺南市市立國民中學正式教師聯合甄選試題：閩南語科#115090-阿摩線上測驗

【客服暫停服務時間】2024/05/01(三)，影響：阿摩粉絲團、系統回報、信箱、鑽石兌換商城出貨事宜。

阿摩：與其讓青史成灰，不如讓青史留名。

64分

(2 分21 秒)

模式:試卷模式
試卷測驗 - 112 年 - 112 臺南市市立國民中學正式教師聯合甄選試題：閩南語科#115090

繼續測驗

再次測驗下載

下載收錄

1(D).

1. 下面有關以通俗漢字記敘閩南民間歌謠「歌仔冊」的說明，佗一个是毋著的？
(A)「歌仔冊」大約是佇清乾隆、道光年間產生的
(B)佇清末時期予往來臺灣海峽的生理人引入臺灣
(C)歌仔冊的內容大多數是論述歷史故事的敘事詩
(D)大多數歌仔冊的作者攏揣會著名，故事內容較少變化。

2(D).

2. 下面佗一个毋是「通」的用法？
(A) Thang khí--lâi ah
(B) Ū mih thang tsia̍ h
(C) M̄-thang tsia̍ h to̍ k
(D) Tsiáu-á thang pue。

3(D).

3. 民間文學是以某一个地域共同體為前提，佮當地生活融為一體，所據臺灣的民間文學有豐富、特殊的內容，請問下面佗一選項毋是伊的特色？
(A)獨特性
(B)在地性
(C)變異性
(D)疏離性。

4(B).

4. 褒歌「木筆開花色俏俏，兄哥毋是林枋橋」，文中的「色俏俏」是啥物意思？
(A)伶俐生動
(B)色水鮮沢
(C)活潑趣味
(D)色緻足白。

5(D).

5. 郁永河《裨海紀遊》「肩披鬢髮耳垂璫，粉面紅唇似女郎。馬祖宮前鑼鼓鬧，侏離唱出下南腔。」針對這首〈竹枝詞〉的內容，下面佗一个選項是毋著的？
(A)遮的馬祖是媽祖，指媽祖宮頭前一場外臺戲的演出
(B)咧講表演者男扮女裝，打扮甲真妖嬌若親像是查某囡仔
(C)這首詩會當看做是臺灣本島戲曲一筆重要的文獻資料
(D)這首詩紀錄明代臺灣的風土文物現況，真有歷史價值。

6(C).

6. 有關臺灣閩南歌仔冊《八七水災歌》的故事內容，下面佗一个選項是毋著的？
(A)佇歌仔冊的作品當中，算做是社會史詩
(B)詩歌內容描述天災的無情佮悽慘的災情
(C)內容無注重勸世佮防災觀念的宣導
(D)描寫佇 1959 年臺灣中南部所發生的嚴重水災。

7(B).

7. 臺灣有一寡仔地名佮國姓爺的傳說有關係，下面佗一个的地名就是按呢來的？
(A)萬華
(B)劍潭
(C)民雄
(D)彰化。

8(B).

8. 下面佗一句諺語的修辭是用「誇飾法」？
(A)人驚人，賊驚賊
(B)七跤戲報萬兵
(C)人驚老，數驚討
(D)一枝草，一點露。

9(A).

9. 臺語講：「我都生做按呢頭殼□□，曷敢佮人咧買彩卷？」。請問下面佗一个選項上適合填入「□□」內底？
(A)尖尖
(B)圓圓
(C)大大
(D)四方。

10(D).

10. 「人心可比一齣戲，戲若搬煞好轉去。」請問這句諺語是用佗一種修辭法？
(A)誇飾
(B)類疊
(C)轉化
(D)譬喻。

11(B).

11. 下面佗一个針對閩南語的輕聲特色的說明是毋著的？
(A)一般的聲調是咧決定音聲懸低的變化，輕聲是咧決定音聲的強弱
(B)輕聲的特徵是重閣短，伊是一種變調
(C)輕聲的音懸無固定，隨伊前一个音節的音懸來升降
(D)輕聲是受著伊前一个音節的音懸的影響，綴伊改變音懸。

12(D).

12. 下面佗一句諺語是咧形容人佮意講人的是非，佇遐咧興風作浪？
(A)歹船，遇著好港路
(B)歹囝，飼爸
(C)歹田，望後冬
(D)歹瓜厚子，歹人厚言語。

13(C).

13. 下面佗一句諺語有沓沓仔粒積的意思？
(A)講頭知尾
(B)羅漢請觀音
(C)露水做海水
(D)走賊遇著虎。

14(C).

14. 下面有關褒歌的說明，佗一个無妥當？
(A)褒歌是一種即興自由創作的歌謠形式
(B)褒歌創作的形式以口語化佮生活化為主
(C)褒歌的語句當中會加一寡仔字，形式固定，予字數會增加到八、九字甚至閣較濟
(D)褒歌的歌詞是七言四句，逐句押韻，或者一韻到底抑是一曲兩韻，是看創作者的意向來決定。

15(B).

15. 下面的語詞攏是生活用具，請問佗一組的說明是毋著的？
(A)「噯仔」、「?仔」攏是樂器
(B)「坩仔」、「桸仔」攏是貯物件的器具
(C)「礤仔」、「摖仔」攏是鑢洗的工具
(D)「拊仔」、「拭仔」攏是修正無著的字的用具。

16(A).

16. 閩南語的語詞有偏正結構。請問下面的選項內底佗一組攏是偏正結構？
(A)筆心、羊肉、樹葉
(B)食飯、烏白、大細
(C)牛肉、花園、種花
(D)花園、放線、烏暗。

17(A).

17. 下面的選項，佗一个「頭」佇語詞的結構佮其他三个無仝？
(A)獅頭
(B)斧頭
(C)石頭
(D)鋤頭。

18(B).

18. 閩南語的重疊詞結構有 AABB 的形式，請問下面佗一个選項的 AB 是名詞？
(A)清清氣氣
(B)乒乒乓乓
(C)窸窸窣窣
(D)歡歡喜喜。

19(A).

19. 有一寡仔用閩南語做母語的學生，佇咧讀華語的『難、巒、寧』遮的語音的時陣，會共聲母讀做[l]，比論講[lan,ling]。請問這主要是佮佗一个語音規律有關係？
(A)聲母佮韻尾袂當攏是鼻音
(B)聲母一定愛佮韻尾仝部位
(C)聲母佮韻尾攏是獨立的
(D)聲母佮韻尾一定是輔音。

20(B).

20. 「________ē 落雨，雨幔 ài 紮」，請問下面佗一个選項上適合填入去空格仔內底？
(A)Tshiu-tshìn
(B)Nā-bē
(C)Phì-lūn
(D)Kiám-tshái。

21(C).

21. 請問下面佗一組的韻母攏相仝？
(A)安、暗、庵
(B)翁、安、光
(C)翁、甕、紅
(D)敏、明、面。

22(D).

22. 請問下面佗一組的聲調攏相仝？
(A)模、亡、滿
(B)尾、暗、工
(C)文、母、嬰
(D)墓、務、問。

23(A).

23. 佇臺灣的風俗內底，人若過往了後，土地公會?亡魂去城隍爺遐報到。請問下面佗一个風俗是正確的？
(A)清明培墓的時陣，愛先拜土地公，才拜祖墓
(B)清明培墓的時陣，愛先拜祖墓，才拜土地公
(C)清明培墓愛看方位，決定欲先拜祖墓抑是土地公
(D)清明培墓愛看子午，決定欲先拜祖墓抑是土地公。

24(C).

24. 臺南的五妃街是蓋有名的觀光點。請問下面佗一个有關「五妃」的敘述是正確的？
(A)「五妃」就是袁氏芳、李氏芬、秀姑、梅姐、荷姐
(B)「五妃」本底就是神，自古早臺南人就有咧祭拜
(C)「五妃」原本是鄭氏時期寧靖王朱術桂的姬妾佮嬪妾
(D)「五妃」的死因，是施琅攻入城了後，予人刣死。

25(C).

25. 黃乙玲的「人生的歌」，是用「ua」做基本韻跤的流行歌曲，佇這條歌押韻的語詞比論講「歌，活，我，影，單，情，看，磨」遮的字音當中，會當看出臺灣閩南語的特性。請問下面佗一个選項上會當看出這種特性？
(A)漳州腔特別重
(B)泉州腔特別重
(C)漳泉腔透濫用
(D)漳泉腔足分明。

26(D).

26. 下面佗一組的第一个語詞無變調的現象？
(A)影響、地動、影片
(B)看著、紅的、厝邊
(C)甘願、看著、眠床
(D)地動、頭痛、驚著。

27(A).

(27)-(28)是一个題組。請讀下面兩句話，回答(27)、(28)兩个題目。
a. 阿明蹛佇大門後
b. 阿明蹛佇大門後壁
【題組】27. 請問下面佗一个選項是正確的？
(A)「大門後」的「門」愛變調
(B)「大門後」的「門」無變調
(C)「大門後壁」的「門」愛變調
(D)兩个「門」攏無需要變調。

28(A).

【題組】28. 請問這兩个「門」佇變調的時陣有精差，是啥物原因？
(A)因為詞組的結構無相仝
(B)佮詞組結構無關係，干焦是慣勢的用法無仝
(C)是特別的讀法，所以無仝
(D)佮各地的腔口有關係。

29(A).

(29)-(30)是一个題組。請先讀這首臺語詩，紲落來回答下面的三个問題。
阮若看著三輪車
著會想起阮阿爹
雖然伊真業命
自細漢著有娘無爹
伊嘛誠認真拍拚
為欲逃避臺灣戰後的
落魄散赤
決心參故鄉的朋友弟兄
厝邊隔壁
相招去到港都打狗
跤踏三輪車仔咧趁食
為著養飼守佇庄跤的
老母佮某囝
【題組】29. 請問這首詩，是以佗一个韻母做押韻的基本韻跤？
(A)ia
(B)a
(C)ua
(D)iann。

30(D).

【題組】30. 對遮的韻跤會當看出，鼻化音是_____，所以佇押韻的過程當中，並無扮演足重要的角色。請問空格仔內底愛填佗一个選項才著？
(A)屬全音節
(B)屬主要母音
(C)無屬韻母
(D)無屬音節。

31(C).

31. 下面有關臺南地名的慣勢講法，佗一个是毋著的？
(A)曾文溪 Tsan-bûn-khe
(B)官田區 Kuann-tiān-khu
(C)月津港 Gua̍ t-tin-káng
(D)大目降 Tāi-ba̍ k-kàng。

32(C).

32. 有關閩南語「歌仔冊」的內容，下面佗一个選項是毋著的？
(A)屬民間說唱文學
(B)通常是用「七言四句」寫出來的
(C)無一定愛押韻
(D)有短篇的歌謠、中篇的勸世歌佮長篇的歌事歌。

33(A).

33. 下面佗一組詞語當中的「下」，讀音是相仝的？
(A)下頦／下勻
(B)胃下垂／喙下斗
(C)頂下歲／下性命
(D)乞食下大願／頂司管下司

34(D).

34. 下面佗一个閩南語詞，毋是會當食的物仔？
(A)肉繭仔
(B)瓦柿仔
(C)枷車藤
(D)幌頭仔。

35(D).

35. 「一□弓蕉」、「一□甘蔗」、「一□麵線」、「一□磚仔」，空格仔內底的閩南語量詞，照順序佗一組是正確的？
(A)筴、節、綑、垺
(B)串、枝、囷、?
(C)子、截、絪、層
(D)枇、橛、綹、緟。

36(D).

36. 閩南語內底有袂少佮「教育」有關係的俗諺，下面佗一个毋是這類的？
(A)大狗盤牆，細狗看樣
(B)囡仔三歲牢皮，五歲牢骨
(C)倖豬夯灶，大漢不孝
(D)飼囝無論飯，飼爸母算頓。

37(A).

37. 下面佗一个是「閩南語文學」作家的作品？
(A)楊逵〈送報伕〉
(B)吳晟〈蕃薯地圖〉
(C)許丙丁《小封神》
(D)蔡素芬《鹽田兒女》。

38(D).

38. 下面佗一个動詞毋是空格仔中「□落去」，表示「用手擊打」的意思？
(A)扑
(B)㧌
(C)撼
(D)揈。

39(D).

39. 佇閩南語詞當中有分「重讀」和「輕讀」兩種讀音，語意嘛會無仝，下面佗一个毋是屬這類的？
(A)驚死
(B)驚人
(C)後日
(D)隔日。

40(A).

40. 下面佗一組閩南語詞毋是對日本來的外來語？
(A)後驛／巴士
(B)烏西／烏龍
(C)俗麭／料理
(D)月給／口座。

41(D).

41. 下面有「囝」的語詞，意思毋是「囡仔」的有幾个？(甲)屘囝(乙)娘囝(丙)某囝(丁)契囝(戊)股仔囝(已)一點仔囝
(A)1 个
(B)2 个
(C)3 个
(D)4 个。

42(C).

42. 下面佗一个閩南語的俗語佮華語的成語對應是正確的？
(A)挽瓜揫藤：順手牽羊
(B)骨力食栗：自食其力
(C)有路無厝：本末倒置
(D)大身大命：大富大貴。

43(D).

43. 下面臺語文學詩句:「我熟似汝／佇汝過身了後三百外冬／咱不時佇暗暝相約／阮兜開講／汝的目頭結一蕊烏雲／「歲歲思歸思不窮」／「夢裡家鄉夜夜還」／我想我會當了解／佇目加溜灣西爿的海墘／夜星含著珠淚／汝將鄉愁輕輕仔掖踮海裡」，請問頂面的詩句是咧寫佗一位捌佇臺南生活過的文人？
(A)連橫
(B)丘逢甲
(C)沈光文
(D)葉石濤。

44(C).

44. 根據教育部閩南語拼音系統來看，「tsàu-kha」對應的語詞是佗一个？
(A)走甲
(B)臭跤
(C)灶跤
(D)趙家。

45(C).

45. 下面佗一个選項毋是「諧音類」的孽譎仔話？
(A)火燒竹林—無竹殼
(B)火燒罟寮—全無網
(C)火燒豬頭—面熟
(D)火燒甘蔗園—無箬。

46(A).

46. 「我欲□□去公園?迌，你欲鬥陣來去無？」，請問下面佗一个選項上適合填入去「□□」內底？
(A)步輦
(B)撇步
(C)起步
(D)跤步。

47(D).

47. 下面佗一个的字佇華語是讀「擦音」，毋過佇閩南語中是讀「塞擦音」？
(A)考「試」
(B)憂「愁」
(C)破「裘」
(D)「趣」味。

48(C).

48. 關廟的方言有一个特殊的語音特色「出歸時」，就是會共佇其他所在大部份發做「tsh-」的音發做佗一个音？
(A)ts-
(B)k-
(C)s-
(D)j-。

49(C).

49. 下面佗一个詞佇發音的時陣，袂發生語音同化的情形？
(A)tsat-me̍ h
(B)tsi̍t-pah
(C)pat-kuà
(D)ham-bān。

50(A).

50. 閩南語有時陣會用仝漢字的文讀音 kap 白讀音合做一个詞。請問下列佗一个選項內面的兩个字，讀音並毋是文白的精差？
(A)使使
(B)指指
(C)婦「人人」
(D)接接。

51(C).

51. 請問下面佗一个選項的意思和其他三个精差上大？
(A)讀無冊
(B)冊讀無
(C)無讀冊
(D)袂讀冊。

52(B).

52. 請問下面佗一句無符合閩南語的語法？
(A)落尾伊敢有來
(B)落尾伊敢會來
(C)落尾伊就較捷來 ah
(D)落尾伊就毋來 ah。

53(C).

53. 動詞「戴」這字的用法，下面佗一个選項上適合？
(A)戴袚鍊
(B)戴耳鉤
(C)戴小鬼仔殼
(D)戴目鏡。

54(D).

54. 請問「Kò-uī tông-o̍ h ta̍ k-kē hó,uá sī tsa̍ h-it hō.」這句演講開場的發音，有幾个字的發音是無正確的？
(A)1 个
(B)2 个
(C)3 个
(D)4 个。

55(B).

55. 一般來講，下面佗一个選項的動作愛出上濟力？
(A)挼
(B)耎
(C)浞
(D)撫。

56(D).

56. 請問下面佗一个選項毋是動物的名稱？
(A)蛀龜仔
(B)龜殼花
(C)牛屎龜
(D)涵空龜。

57(A).

57. 「哇，查某囝 tsiah 大漢 ah，當時 beh 請食茶？」請問這句話的意思是啥物？
(A)有對象欲結婚抑無
(B)真久無做伙泡茶啊
(C)囡仔育飼大漢較有時間泡茶
(D)查某囡仔較乖較 gâu 款厝內。

58(B).

58. 下面佗一个選項毋是課綱建議閩南語文佇教學的時陣會當採取的策略？
(A)『邀請相關科系學者、專家、實務工作者或地方耆老，以閩南語進行座談』
(B)『評量結果可採百分制、等第並得兼採質性描述的方式呈現』
(C)『鼓勵並引導學生討論個人與社群的關係，以擴充學習內容』
(D)『與其他領域/科目連結，共同規劃課程，融入知識性文本，以擴展學習範圍與強化學習深度』。

59(A).

59. 請問下列佗一个選項所表示的數字上大？
(A)20 外外
(B)20 較加
(C)20 捅
(D)20 出仔。

60(C).

60. 請問下列佗一个選項的名稱，和其他三个講的是無仝的所在？
(A)王城
(B)熱蘭遮城
(C)奧倫治城
(D)億載金城。

61(A).

61. 請問臺南的特產「西瓜哖」(民間也有人寫做「西瓜綿」)，大部份是用佗一種西瓜做原料去豉出來的？
(A)未熟的
(B)較軟的
(C)水分較濟的
(D)傷過分的。

62(C).

62. 臺南佳里區的舊名是「蕭壠」，請問這个名上有可能是按怎來的？
(A)日本時代佇遮捌有大屠殺
(B)彼時遮蹛真濟痟人
(C)平埔族的社名
(D)發生大瘟疫死真濟人。

63(A).

63. 下面佗一本臺語文學的作品，是用早期臺南田庄做背景寫的？
(A)《鄉史補記》
(B)《拋荒的故事》
(C)《刺仔內的百合花》
(D)《燈塔下》。

64(　).

64. 請問下面佗一个選項，毋是 1987 年前後出版，戰後頭一批的臺語小說？
(A)〈華府牽猴〉
(B)〈無影無跡〉
(C)〈抗暴今打貓市〉
(D)〈美麗 ê 樟腦林〉。

65(　).

65. 下面佗一位臺南詩人真捷用女性來形容臺南的古蹟，伊的臺語詩作〈運河〉、〈五妃廟〉、〈安平古堡〉、〈赤崁樓的哀怨〉…… 等等數十塊詩，嘛予臺南市政府文化局收做《府城詩篇》？
(A)王貞文
(B)黃勁連
(C)羊子喬
(D)林宗源。

66(C).

66. 張德本的〈雨落佇咱查某祖的腹肚頂〉、王宗傑的〈尪姨之歌〉、方耀乾的〈我是台窩灣擺擺〉、陳金順的〈九層嶺的胭脂葉〉這幾首詩所描寫的，是佗一个族群？
(A)凱達格蘭族
(B)排灣族
(C)西拉雅族
(D)馬卡道族。

67(　).

67. 請問這馬佇臺灣文學館西南爿的葉石濤紀念館，佇日治時期本底是啥物機構？
(A)臺南山林事務所
(B)臺灣州廳
(C)知事官邸
(D)臺灣府城。

68(B).

68. 有人講臺江是「臺南威尼斯」，過去是臺灣上媠的內海。請問這是因為佗一條溪做大水，才致蔭著這个所在？
(A)鹽水溪
(B)曾文溪
(C)柴頭港溪
(D)濁水溪。

69(B).

69. 有關臺語佮華語的音韻系統的差異，下面佗一項是正確的？
(A)臺語、華語聲母攏有分清濁
(B)臺語、華語的上聲、去聲調值無仝
(C)臺語、華語攏有文、白讀音
(D)臺語、華語攏有連續變調。

70(C).

70. 教育部本土語文領綱所提示的教學原則，分做聽、講、讀、寫以及綜合應用。請問下面佗一个選項是無適當的？
(A)適當運用羅馬字、漢字，加強詞彙、句型的書寫能力
(B)教師應該盡量使用臺語教學，創造臺語沉浸式的學習環境
(C)中學應當以古典長篇為主，深化閱讀能力
(D)掌握羅馬拼音做標音工具。

71(D).

71. 「好天著存雨來糧」，請問這句話內底畫線的「著」的用法佮佗一个相仝？
(A)厝漏拄著透暝雨
(B)生食著無，哪有通曝乾
(C)虱母若生濟著袂癢
(D)做雞著筅，做人著反。

72(C).

72. 下面佗一个毋是「就」的讀音？
(A)tō
(B)tiō
(C)to
(D)tsiū。

73(A).

73. 下面佗一个畫線的字的讀音佮其他三个無仝？
(A)人濟話就濟，三色人講五色話
(B)食無三把蕹菜，就欲上西天
(C)三代粒積，一代窮空。
(D)三講，四毋著。

74(B).

74. 「伊用指指指出犯罪者。」這句話內底畫線的字按怎讀？
(A)kí
(B)tsáinn
(C)tsíng
(D)si̍t

75(D).

75. 「你連這點仔道理都毋捌，較輸一个無讀冊的。」請問這句話內底畫線的語詞的意思佮佗一个相倚？
(A)put-jû
(B)buē-su
(C)tshin-tshiūnn
(D)khah-sū。

76(A).

76. 「你有看見海翁無？」，請問這句話內的畫線的語詞的連音是佗一个？
(A)khuàinn
(B)khuàkìnn
(C)kuànni
(D)kuainn。

77(B).

77. 「伊的性地是袂䆀，總是袂曉扞家就毋好。」，請問這句話內底畫線的語詞佮下面佗一个的意思相倚？
(A)攏總
(B)毋過
(C)無論
(D)總共

78(C).

78. 以教育部《臺灣閩南語常用詞辭典》為準，請問「太平洋」的讀音是佗一个？
(A)Tài-pênn-iûnn
(B)Thài-pênn-iûnn
(C)Thài-pîng-iûnn
(D)Thái-pênn-iûnn。

79(　).

79. 「地動的時陣林先生緊共車停落來。」下面四个選項佗一个的本調畫線是正確的？
(A)地動的時陣林先生緊共車停落來
(B)地動的時陣林先生緊共車停落來
(C)地動的時陣林先生緊共車停落來
(D)地動的時陣林先生緊共車停落來。

80(　).

80.「我甲遐好下。」請問這句話內底的「好下」是啥物意思？
(A)好才
(B)好情
(C)好派
(D)好運。

81(D).

81. 下面佗一句俗諺的意思佮「痟貪軁雞籠」相倚？
(A)喙飽目睭枵
(B)目睭金金人傷重
(C)目睭掛斗概
(D)食蒜仔吐蕗蕎。

82(B).

82. 請問下面佗一个畫線的詞彙無讀輕聲變調？「熱人對田裡轉去到厝裡，看著一尾蛇險驚死。」
(A)熱人
(B)轉去
(C)厝裡
(D)驚死。

83(D).

83. 天氣翕熱，做一時仔就流汗。請問空格仔內底愛填佗一个選項上適當？
(A)tsi̍t-sì-kè
(B)tsi̍t-tia̍ p-á
(C)tāng
(D)tsē。

84(B).

84. 臺語的音節組合有一定的限制，比論講「脣音限制」、「鼻音限制」……等等，不而過有時陣佇連音變化的時陣，煞會使允准出現違反結構限制的音節組合。請問下面佗一个選項的「音節」，是臺語音系的結構當中袂出現，毋過佇實際語流的連音變化當中煞會出現的音節？
(A)排列 piâi-lia̍ t
(B)蠻皮 bâm-phuê
(C)失敗 sip-pāi
(D)家己 kai-kī。

85(　).

85. 「人伊就有法度按呢食老閣好額，這毋才是人咧講的□□。」請問下面佗一个選項上適合填入去「□□」內底？
(A)清靠
(B)清和
(C)業命
(D)業相。

86(　).

86. 「伊做代誌真正是綿掛豉。」這句話內底的「綿掛豉」意思佮下面佗一个選項的意思相倚？
(A)綿
(B)㾀
(C)綿屎
(D)㾀屎。

87(D).

87. 有關臺語貨幣單位的傳統講法，若按照對大到細的排列，下面佗一个選項是正確的？
(A)箍＞厘＞角＞仙
(B)箍＞仙＞厘＞角
(C)箍＞角＞厘＞仙
(D)箍＞角＞仙＞厘。

88(D).

88. 臺語的俗諺：「捌算毋捌除，□米換番薯。」空格內底適合填入佗一个選項？
(A)糴
(B)糶
(C)舂
(D)挨。

89(D).

89. 下面有關臺語的疑問句，佗一个是毋著的？
(A)天光矣未
(B)賊仔有掠著無
(C)老師會共我唸袂
(D)物件應該是伊提去的吧。

90(B).

90. 請問下面佗一个詞語的來源，佮其他三个無仝？
(A)案內
(B)引渡
(C)都合
(D)阿西。

91(D).

91. 下面佗一个選項的臺語音讀形式是「俗讀」的唸法？
(A)慰勞 uì-lō
(B)抱歉 phō-khiàm
(C)接觸 tsiap-tshiok
(D)會計 huē-kè。

92(　).

92. 下列佗一个「量詞」的用法是毋著的？
(A)一「tsō」碇
(B)一「līng」傷痕
(C)一「to」紙
(D)一「liú」麵線。

93(D).

93. 咱臺灣人咧算年歲的時陣，定定出世的時就算一歲，若是年尾出世的，一過冬節，就算兩歲。毋過實際上出世猶未滿兩冬，所以咧算實歲的時陣，愛減去加出來的這歲。請問這佇咧臺語叫做啥物？
(A)囥歲
(B)鬱歲
(C)加歲
(D)寄歲。

94(D).

94. 臺語的「寸尺 tshùn-tshioh」，華語講做『尺寸』；華語的『紅綠燈』，臺語講做「青紅燈 tshenn-âng-ting」。像這種的臺、華語的『異序詞』，詞義是相仝的。請問是啥物因素影響臺、華雙語構詞的「詞序」產生差異？
(A)詞性分布無仝
(B)歷史來源無仝
(C)官韻規範要求
(D)聲調次序要求。