今日錯題測驗-教甄◆閩南語科-阿摩線上測驗
Siok-hun09589剛剛做了阿摩測驗,考了100分
[第 3 篇]
「出世三工就報喜,親情朋友鬥歡喜。滿月剃頭雞酒芳,祭拜祖先感謝天。
四月日滿來收瀾,心肝寶貝趕緊大。七坐八爬九發牙,度晬過了走若飛。」這
首唸謠是咧描寫嬰仔生長過程的民間風俗,尤其是做四月日收瀾,上趣味、上
有人情味。
做四月日的時,厝內就準備牲醴、紅桃、紅龜、酥餅來祭拜祖先、神明。
後頭厝嘛會送「頭尾禮」(就是帽仔、鞋仔佮金仔)來祝賀,親像做「滿月」仝
款。咧收瀾的時,用紅線穿過一捾酥餅,掛佇嬰仔的頷頸,去厝邊頭尾揣親情朋友鬥收瀾。就遏一塊酥餅佇囡仔的喙䫌刮刮咧,閣愛講好話祝囡仔大漢、
好育飼,親像阿水伯就講:「收瀾收焦焦,予恁老母後胎生脬。」阿水姆講:
「收瀾收離離,明年招小弟。」福壽兄講:「收瀾收離離,健康好育飼。」福壽
嫂講:「收瀾收焦焦,趕緊叫阿爸。」
做四月日是一種傳統,嘛是一種祝福,閣較是人情味的表現。過程中有趣味、也有向望佮爸母疼囝的心情,嘛有濟濟人的祝福來陪伴囡仔平安大漢,是咱真重要的傳統文化。
9.根據本文,咱對親情朋友的祝賀詞,會當發現早前的人有啥物觀念?
(A)收瀾了就較 食
(B)收瀾了就隨會講話
(C)查某囡仔免收瀾
(D)生查埔較贏生查某