根據故語言學者王育德博士的統計，佇3394字个臺語漢字內底，有1127字有文言、白話兩讀的情形；可見臺字漢字欲一音一字，是誠困難的。「文言音」就是「讀冊音」，嘛予人做「孔子白」；「 白話音」就是「口語音」，一般來講，口語音就是一種生活語言，就算講是無受教育、毋捌字的 庄跤人嘛聽會捌，是一般人日常生活使用基本的「講話音」；文言音是有音就有漢字，口語音就 無一定有音就有漢字，攏是口語相傳。有部份的生活口語，甚至可能毋是漢語，準用漢字寫出來 嘛是人所設定的。 文言音講是讀冊音，一向攏無啥變，算是較古早的話語，就本地來講，是由外位來的，若無讀過 冊的人，就比較較袂曉；口語音是在地的，算是較新的語言，有時會綴時代變化、累積，因為年久月深，非常複雜；有時予人煞毋知影到底是講文言抑是白話。毋過，文白讀音的無仝，毋是腔 口差的問題，袂使提來做臺語講無正的藉口。

《改寫自陳憲國(2019)，台灣各種腔口佮台語文白音》