我會記得口試通過彼工，我對系館欲行去停車場駛車，雖然心內感覺提著畢業的門 票矣，毋過規頭殼猶咧想講欲按怎照委員的意思去修改。我坐佇師大運動埕邊仔的觀眾 台，看 __(64)__的運動埕，有輕鬆的感覺。複雜的心情足歹形容。想著博士班的教室， 想著同學，想著差一點仔因為 __(65)__ 放棄，想著老師的恩情，我看對天頂去，除了感 恩的情緒足清明，一時嘛毋知欲共家己講啥。彼時霎毛毛仔雨，我享受孤單佮平靜，佇 遐坐欲點外鐘，天欲暗才走。

       我叫是彼應該是上真確的畢業心情。無疑悟等論文規个修改好勢定稿，提著老師佮 系所的簽准，電子檔通過，冊本欲送去圖書館，規逝路一大輾，若共校園巡禮。對圖書館行出校門，斡和平東路欲去領畢業證書的時，我__(66)__ 心情波動，目屎忍袂牢一直 輾一直輾。這才是正港的畢業滋味。