三、閱讀測驗
        Venice ê seng-lí lâng Antonio khòaⁿ-kìⁿ i ê chhin-iú Bassanio ài beh khì Belmont kiû-hun tī chit ê chin hó-gia̍h, siāng-chhiáⁿ chin súi ê sió-chiá miâ-kiò Portia, ū khiàm-ēng chîⁿ-hāng, sim-koaⁿ chin kan-khó, put-chí tông-chêng i, chóng-sī tú-tñg i pún-sin bô hiān-kim, só-í ū khì kā i pêng-sî put-chí iàm-ok, hit ê pàng tāng-lāi ê Iû-thài lâng, kiò-chòe Shylock, beh kā i chioh 3000 ducat lâi hō͘ i. Chóng-sī chit ê Shylock siông-siông bat hō͘ chiah ê Christian bú-jiók, chau-that i, mā i pàng tāng-lāi; só-í sim-tóe chin bô hoaⁿ-hí, chhē ki-hōe beh kā in pò oan-siû. Chin tú-hó, tú-tñg Antonio lâi beh kā i chioh 3000 ducat, i sûi-sî tah-èng i, kóng i bô beh kā i the̍h tāng ê lī-sek, kan-ta tio̍h lip khòe-iok siá bêng, nā-sī kè kî-hān ê sî, tio̍h chiong i seng-khu ê bah chi̍t kun lâi chòe kho-liāu.