阿摩線上測驗 登入

112年 - 客語能力認證基本題庫：口語表達51-95#120077

科目：語言◆客語能力認證 | 年份：112年 | 選擇題數：0 | 申論題數：45

試卷資訊

所屬科目：語言◆客語能力認證

選擇題 (0)

申論題 (45)

51 這位地泥溼溼，有人堵好愛行過來，你愛仰仔提醒佢呢？
52 你看著有一個目珠看毋著个人，在該等青紅燈，你做得 仰仔同佢?手？
53 你去同學屋下尞，這下愛轉（歸）吔，你會仰仔同厥屋 下个人講？
54 你去學校个時節，係仰仔去？會用著麼个交通工具？
55 阿伯婆跌（橫）倒入院，你擐水果去醫院看佢，你會同 佢講麼个？
56 你盡（最）好看个一本書係麼个？做麼个會中意這本書呢？
57 阿明个狗嫲養子，你想分一隻來畜，愛仰仔問屋下人正 做得？
58 若同學上課搞手機仔，分先生收走吔，心情當（蓋）毋 好，你會仰仔同佢講？
59 係有可能，你最想愛變到哪種動物？做麼个會選佢呢？
60 阿弟牯橫倒吔，在該緊噭，你會做兜麼个事情來同佢? 手呢？
61 你想愛買西瓜，會仰仔同頭家娘問價數？
62 若同學个面項有飯粒仔，你會仰仔同佢講？
63 你平常時會去便利商店做麼个事情？請你講看啊。
64 你打爛先生个杯仔，現場無人看著。事後係愛詐毋知？ 抑係承認後同先生會失禮？請講出若選擇同理由。
65 你今晡日上學慢（遲）到咧（吔），現場愛仰仔同先生 說明正毋會失禮？
66 若老妹个牙齒蛀忒（核）咧，毋敢去牙科分先生看，你 會仰仔勸話佢？
67 熱天个蚊仔恁多，除忒（吔）用電蚊拍（仔）以外，你 還會仰仔處理？
68 請你簡單紹介你睡个間房係仰仔个？有哪兜東西？
69 哪隻（個）節日係你盡（最）中意个？做麼个會中意呢？
70 有麼个動物抑係蟲仔係你盡（最）驚个？做麼个會驚呢？
71 請你用幾句話紹介你最好个朋友。
72 你盡中意个花係麼个？做麼个會中意呢？
73 尞日有兜人好出去尞，有兜人較（過）好在屋下休息， 該（嘎）你呢？你會做麼个？請你用幾句話講出來。
74 請講出，你同若盡好个朋友輒常（最輒）共下做哪兜 （仔）活動。
75 你盡合意食麼个菜？做麼个會合意呢？
76 臺灣有盡多好遶尞个所在，你盡想去哪尞？請簡單講出 你仰會想去該位。
77 阿姆喊你去買東西，行到市場嗄毋記得愛買麼个咧 （吔），你會打電話轉（歸）去仰仔問清楚呢？
78 有人當（蓋）好食臭豆腐，你自家試著仰仔？請講出若 感覺。
79 係講有一個同學輒常（蓋輒）欺負你，請問你會仰仔處理？
80 你想愛啉珍珠乳茶，請阿爸下班个時節順續買轉（歸） 來，你愛仰仔打電話同阿爸講？
81 你最好食个雪圓仔（圓粄仔）係哪種？做麼个會好食 佢呢？
82 係講你愛畜一條狗仔，你愛仰仔照顧佢？請簡單說明。
83 若老弟寒（凍）著緊嗽、又毋戴嘴揞仔，口涎水噴到一 哪仔，你會仰仔勸話佢呢？
84 請你用幾句話紹介你印象盡深个學校先生。
85 係講你愛畜魚仔，你愛仰仔照顧佢？請簡單說明。
86 你看著若同學亂擲（擳）垃圾，請問你愛仰仔做正較 （過）好？
87 阿爸想愛帶大家出去露營，毋過若作業還有異（盡）多 吂（還無）寫忒（核）！你愛仰仔同阿爸討論改時間正 去呢？
88 請你用幾句話講出你試著當（蓋）見笑个一件事情。
89 你看著若同學个褲後背爛一大空，你愛仰仔提醒佢，正 毋會分佢忒過敗（壞）勢呢？
90 停電个時節，除忒（吔）拿手電筒以外，你還會做麼个？ 請你講看啊。
91 你在路項看著一隻流浪狗，又瘦又屙糟，盡衰過！請問 你愛仰仔做正較（過）好？
92 請用幾句話講出你盡（最）好个三項運動。
93 對年頭到年尾，有當（蓋）多節日，請講出三個你最好 過个節係麼个。
94 請你用幾句話同阿姆紹介若同學阿麗，佢做班長。
95 恁久無看著阿公吔，愛打電話同阿公問好，你會仰仔講？ 請盡（最）少愛講三句話。