112年 - 112 新北市立國民中學教師聯合甄選試題:本土語文(閩南語文)科#114740

科目：教甄◆閩南語科（台語） | 年份：112年 | 選擇題數：50 | 申論題數：0

試卷資訊

所屬科目：教甄◆閩南語科（台語）

選擇題 (50)

1. 請問下面佗一个選項毋是具體的櫃仔？ (A)鐵櫃 (B)數櫃 (C)桌櫃 (D)水櫃

2. 請問下面佗一个選項會當讀輕聲？ (A)烏烏 (B)冷冷 (C)開開 (D)恬恬

3. 「代誌發展到遮，______你看欲按怎才好？」請問下面佗一个選項上適合囥佇空格仔內底？ (A)毋過 (B)閣來 (C)猶閣 (D)過來

4. 請問下面佗一句話上合臺灣閩南語的用法？ (A)這是你的嗎？ (B)過馬路要細膩。 (C)我捌看過伊。 (D)對啊！彼領衫是我的。

5. 請問下面佗一个選項的意思和其他三个無仝？ (A)逃命 (B)逃亡 (C)走路 (D)行路

6. 請問下面佗一个選項的構詞方式和其他三个無仝？ (A)身命 (B)行氣 (C)坎站 (D)錢銀

7. 「伊真______，毋管拄著啥物困難攏袂放棄。」下面佗一个選項無適合囥佇空格仔內底？ (A)努力 (B)硬篤 (C)拍拚 (D)認真

8. 請問咱臺灣頭一份報紙《Tâi-oân Hú-siâⁿ Kàu-hōe-pò》是佇佗一年創刊的？ (A)1662 年 (B)1683 年 (C)1865 年 (D)1885 年

9. 解嚴以後，臺灣人發起「還我母語運動」是對本土語言意識的重視。請問這場運動發生佇佗一年？ (A)1987 年 (B)1988 年 (C)1989 年 (D)1990 年

10. 請問下面佗一个時間詞毋是「拆箬光」的近義詞？ (A)拍殕仔光 (B)翻點 (C)天光卯 (D)貓霧仔光

11. 請問下面佗一个選項是「收集」的正確拼音？ (A)siù-tshi̍p (B)siū-kip (C)siù-khi̍p (D)siu-tsi̍p

12. 請問下面佗一个選項的量詞無合臺灣閩南語的用法？ (A)一周西瓜 (B)一支鼻 (C)一塊椅仔 (D)一圈珠仔鍊

13. 請問下面佗一个選項的詞義，「麻煩」的程度上強？ (A)費氣 (B)費費氣氣 (C)費氣費氣 (D)小可仔費氣

14. 問下面佗一个選項袂當用來形容人的個性？ (A)實頭 (B)苛頭 (C)翻頭 (D)癮頭

15. 名詞詞崁加入「仔」，下面佗一个選項毋是並列關係？ (A)股仔囝 (B)翁仔某 (C)糖仔餅 (D)衫仔褲

16. 請問下面佗一个選項的變調方式和其他三个無仝？ (A)天光 (B)頭疼 (C)海湧 (D)心酸

17. 請問下面佗一个選項「」內底的字聲母毋是濁音？ (A)「銀」行 (B)司「儀」 (C)「戌」時 (D)新「聞」

18. 請問下面佗一个選項毋是真正的人名？ (A)馬偕病院 (B)湯德章大道 (C)江子翠捷運站 (D)蔣渭水高速公路

19. 請問下面佗一个選項「」內底的漢字毋是「芥」？ (A)「kài」-bua̍ h (B)「kiat」-lan (C)「kuà」-tshài (D)「kè」-nâ-á

20. 最近阿明失戀，想著過去的情境，心情親像針咧「ui」。請問「ui」是下面佗一字？ (A)揻 (B)慼 (C)勍 (D)萎

21. 請問下面佗一个選項的臺灣閩南語構詞和另外三个無仝？ (A)鳥仔張 (B)米粉炒 (C)鉛筆剾 (D)扞鼎灶

22. 請問下面佗一个選項的手部動作上大？ (A)拈 (B)挼 (C)撏 (D)掔

23. 請問下面佗一个選項的地名佮產業有關係？ (A)廍後 (B)艋舺 (C)槓仔寮 (D)營盤口

24. 請問臺羅拼音內底有幾組送氣、無送氣對立的聲母？ (A)1 組 (B)2 組 (C)3 組 (D)4 組

25. 新北市政府電話代表號是 02-29603456，咱慣勢用文言音來報電話號碼。請問下面佗一个選項的電話號碼數字的報法是正確的？ (A)「0」：lîng (B)「3」：sam (C)「6」：la̍ k (D)「9」：káu

26. 請問農具「磟碡」的外形和下面佗一種果子較成？ (A)甘蔗 (B)楊桃 (C)榴槤 (D)蓮霧

27. 請問下面佗一个臺灣閩南語語詞袂使按呢用？ (A)接接 (B)刻刻 (C)延延 (D)食食

28. 請問下面佗一个選項「」內底的字佮其他三个字的韻母無仝？ (A)欺「騙」 (B)「憲」法 (C)「監」督 (D)「戰」爭

29. 請問下面佗一个選項「」內底的字毋是合喙音？ (A)「欣」賞 (B)「揀」食 (C)「吸」引 (D)「敆」逝

30. 「伊遮久攏____來，拍算是無欲來矣！」空格仔內底換做下面佗一个選項語意袂通？ (A)毋 (B)無 (C)毋通 (D)猶未

31. 請問「煞」心的讀音佮下跤佗一个「」內底的字仝款？ (A)蟮蟲仔「喢」胡蠅 (B)「紲」拍 (C)白「煠」 (D)扶「挺」

32. 下底佗一組語詞臺華對譯無妥當？ (A)暗光鳥→『貓頭鷹』 (B)粉鳥→『鴿子』 (C)草蜢仔→『蚱蜢』 (D)鴨咪仔→『公鴨』

33. 下底臺灣閩南語量詞的用法，佗一个是正確的？ (A)一粒棋子 (B)一副潤餅 (C)一跤皮箱 (D)一矸飯菜

34. 下底佗一句臺灣閩南語諺語的華語解說是毋著的？ (A)「三跤步一坎店」形容『市景繁榮，商店林立』 (B)「大人愛趁錢，囡仔愛過年」比喻『青菜蘿蔔各有人愛』 (C)「上山看山勢，入門看人意」形容『人做事意志不堅，三心二意』 (D)「大甲溪放草魚」形容『人做事不得要領』

35. 「未曾______先學飛，未曾______想挽瓜。」這句諺語的空格仔內愛用啥物？ (A)學行，掖種 (B)行路，種瓜 (C)學爬，犁田 (D)行路，沃肥

36. 華語比喻『一個人明明沒有真材實料，卻打腫臉充胖子』，會使用下底佗一句臺灣閩南語諺語來講？ (A)無日毋知晝，無鬚毋知老 (B)棚頂做甲流汗，棚跤嫌甲流瀾 (C)菜蟲食菜，菜跤死 (D)無毛雞假大格

37. 下底佗一个語詞的標音毋著？ (A)炕窯 khong-iô (B)燖補 tīm-póo (C)芡芳 khiàn-phang (D)翕相 hip-siòng

38. 臺灣閩南語有並列式複合詞，下底佗一个語詞毋是形容詞同義並列式複合詞？ (A)洗盪 (B)恬靜 (C)奇巧 (D)精光

39. 下底佗一句話的重疊詞，無動作的意思？ (A)卵予人買買去 (B)落雨矣，門窗緊關關予好 (C)麵食食咧才來轉 (D)花開紅紅誠媠

複選題
40. 形容聲音的狀態，下底佗一句較妥當？ (A)風吹甲咻咻叫 (B)食麵食甲窸窣叫 (C)伊喝甲足大聲，聲音窸窸窣窣 (D)伊睏甲鼾鼾叫

41. 請問下底佗一句臺灣閩南語諺語，佮華語『欲速則不達』意義相仝？ (A)緊紡無好紗，緊嫁無好大家 (B)盡人事，順天意 (C)張持無蝕本 (D)艱苦頭，快活尾

42. 下底佗一句臺灣閩南語諺語是比喻『風水輪流轉』？ (A)乞食下大願 (B)乞食也有三年好運 (C)乞食趕廟公 (D)乞食身，皇帝喙

43. 「你莫按呢逐工吵家____宅」，請問空格仔內囥啥物漢字較適合？ (A)衲 (B)訥 (C)抐 (D)納

44. 下底佗一个臺灣閩南語語詞毋是受日語的訓讀詞影響？ (A)口座 (B)月給 (C)女中 (D)牽手

45. 下底佗一个孽譎仔話的講法是毋著的？ (A)接骨師父→鬥跤手 (B)阿兄無頭路→可惜 (C)阿公挖塗→公開 (D)白矸仔貯豆油→看出出

46. 下底佗一句臺灣閩南語諺語是用對偶修飾法？ (A)人心不足，蛇吞象 (B)富家一席酒，窮漢半年糧 (C)女人心，海底針 (D)食若牛，做若龜

47. 下底對歌仔戲形成的講法，佗一个正確？ (A)臺灣歌仔戲的形成佮發展和宜蘭無關係 (B)歌仔戲拄開始是對鄉土歌舞形成的地方大戲 (C)歌仔戲佮車鼓戲分別是兩種無仝發展的地方大戲 (D)歌仔戲拄開始毋是叫做歌仔戲，是叫做「本地歌仔」抑是「老歌仔」

48. 根據文章，下面佗一个講法毋著？ (A)無啥人欲種有機棉 (B)天然的物件足消磨土地 (C)棉仔比天絲纖維閣較消磨環境 (D)科技會使替咱提煉出天然的纖維

49. 根據文章，「下一牛車的本，才收一畚箕的量」這句話是啥物意思？ (A)痟貪 (B)僫趁 (C)火燒罟寮 (D)大牛惜力

50. 根據文章，下面佗一句話上適合做這篇文章的主題？ (A)夯?毋知轉肩 (B)甘蔗無雙頭甜 (C)大石，也著石仔撐 (D)做著歹田望下冬，娶著歹某一世人

申論題 (0)