115年 - 115 中區縣市政府教師甄選策略聯盟_國中：本土語文-閩南語#140366

1. 請問下面佗一个選項和粉鳥(鳥仔)無關係？ (A)放粉鳥 (B)粉鳥笭 (C)粉鳥舅 (D)赤跤仔

2. 請問下面佗一个選項的前兩字毋是擬聲？ (A)碌硞馬 (B)玲瑯踅 (C)咇噗惝 (D)唏嚇叫

3. 「暗矣，咱愛來轉矣，叫恁小弟緊落來」。請問，對頂面這句話內面無法度得著啥物訊息？ (A)聽話的人毋是孤囝 (B)聽話的人和講話的人蹛做伙 (C)講話的所在有樓頂和樓跤 (D)講話的所在是佇??厝裡

4. 請問下面佗一个選項毋是耳仔的病症？ (A)耳空輕 (B)臭耳聾 (C)耳空吼 (D)臭耳甕仔

5. 欲烘肉矣，共lài-tah提出來_______火。請問空格內面填佗一个選項上適合？ (A)生 (B)燃 (C)戛 (D)烘

6. 俗語「紅柿若出頭，羅漢跤仔目屎流」意思是講啥物？ (A)食物欲變少矣 (B)看著柿仔想起故鄉 (C)神明欲出巡矣 (D)季節欲轉換矣

7. 請問下面四个詞的構詞法，佗一个毋是主謂式結構？ (A)「地動」 (B)「菜心」 (C)「心悶」 (D)「嚨喉滇」

8. 請問下面佗一个疊音詞，兩字的發音攏仝款？ (A)初十有「食食」 (B)「接接」客戶 (C)曲館邊的豬母會「拍拍」 (D)一下下課就「溜溜」去

9. 你的______誠濟呢，逐工攏咧想空想縫。請問空格內面填佗一个詞上適當？ (A)念頭 (B)出頭 (C)後頭 (D)齣頭

10. 有一本台語詩集，一下上市就得著誠品冊店中文冊銷售排行榜的第一名，作者閣予人邀請入去總統府吟詩。請問這本詩集的名稱是？ (A)小王子 (B)向玉山 (C)日花閃爍 (D)你佇風中行來

11. 下面佗一个選項「」內底的字讀音是入聲？ (A)上「腳」 (B)出「眾」 (C)幼「茈」 (D)變「竅」

12. Ē-bīn tó tsit ê suán-hāng sī teh kóng sik-tsuí？ (A)lik-sik (B)tshiò-sik (C)ba̍ k-sik (D)tsia̍ h-sik

13. 「你若欲閣遐四趖，到時赴未著車逝，母湯怪我無甲你提醒。」這句話有幾个字毋著？ (A)2 (B)3 (C)4 (D)5

14. 下面佗一个身體部位毋是佇頭？ (A)後擴 (B)鬢跤 (C)下顄 (D)跤鼻臁

15. 下面佗一个選項的動作袂用著手？ (A)伐 (B)㔂 (C)偃 (D)篠

16. 「伊呼籲逐家注意社會暴力問題。」這句話有幾个入聲字？ (A)2 (B)3 (C)4 (D)5

17. 台語的「無」除了表達否定，閣有其他無仝的意思。下面佗一个選項的「無」有表示語氣轉折，有『要不然』的意思？ (A)這衫洗無清氣，看起來垃圾垃圾 (B)伊甲毋來，無，咱來去揣伊 (C)阿中無錢，連厝稅嘛納袂起 (D)這間的果子無鮮，咱來去看別間

18. 下面佗一个選項「」內底，字的拼音無介音？ (A)迷「戀」 (B)「傳」種 (C)欣「羨」 (D)「發」覺

19. 相傳七娘媽生彼工有一種鳥仔會排做一板橋，予牛郎佮織女渡過河溪相會。請問是佗一種鳥仔？ (A)燕仔 (B)鴟鴞 (C)客鳥 (D)青苔仔

20. 臺中犁頭店佇五月節有一種民俗是穿木屐蹔「 」，主要是欲共佇塗裡睏的「 」叫精神，期待會當有好收成。請問「 」是佗一 種動物？ (A)鯪鯉 (B)鼢鼠 (C)杜蚓仔 (D)杜伯仔

21. 伊足愛「 」兼激骨，無一時正經。「 」上無適合佗一个選項？ (A)練仙 (B)破豆 (C)話鬚 (D)冇談

22. 湯有幾若種，下面佗一个選項是真正的湯？ (A)苦湯 (B)茶湯 (C)白虎湯 (D)豆醬湯

23. 佇十二年國民基本教育課程綱要「語文領域-本土語文(閩南語文)」內底，「閱讀」這類第四階段的學習表現，無講著下面佗一个選 項？ (A)能從閱讀閩南語文過程中認識在地的文化特色 (B)能運用標音符號、羅馬字及漢字閱讀不同文體的閩南語文作品，藉此增進自我了解 (C)能從閩南語文的閱讀中進行獨立思辨分析與解決生活問題 (D)能透過閱讀閩南語藝文作品及相關資訊，體會作品的意境與美感

24. 下面佗一个選項的農作物收成的時間和另外三个選項的時間差上濟？ (A)穩冬 (B)六月冬 (C)慢冬 (D)十月冬

25. 下面佗一个選項的「食」有「食物件」的意思？ (A)裼食 (B)食名 (C)食錢 (D)食色

26. 諺語有固定的用法，袂當凊彩按家己的意思去改。「囥酒會芳，囥『 』爛規籠。」『 』選佗一个選項上適當？ (A)蘋果 (B)芳瓜 (C)檨仔 (D)柑仔

27. 下面佗一个選項的入聲韻的發音部位是舌根？ (A)齒「觳」仔 (B)密「喌喌」 (C)束「結」 (D)「塌」窩

28. 下面佗一个選項「」內底，伊的聲母和其他的選項無仝？ (A)「埋」伏 (B)「莫」講 (C)草「蜢」仔 (D)松柏「樠」

29. 你做這號代誌，會「連累」著親情朋友。下面佗一个選項無適合替換「連累」？ (A)牽磕 (B)牽抾 (C)拖累 (D)窞倕

30. 以下的疑問詞，佗一个並無表達『反問語氣』？ (A)按怎 (B)敢通 (C)曷著 (D)呔會

31. 下跤有關講話，佗一个選項的意思佮其他無仝？ (A)kóng-tshiò-khue (B)pûn-ke-kui (C)uē-hóo-lān (D)pàng-tshàu-phuì

32. (甲)「花」蓮／沃「花」(乙)張「持」／扶「持」(丙)蜜「月」／歲「月」(丁)攑「香」／五「香」(戊)「迎」接／「迎」神(己)凊「面」 ／儑「面」(庚)「範」勢／人「範」(辛)下「昏」／黃「昏」。頂面八組內底有幾組「 」內的字台語發音攏仝款？ (A)1 (B)2 (C)3 (D)5

33. 「兩□龍眼、兩□荔枝、兩□弓蕉、兩□葡萄、兩□稻仔」，以上詞語的量詞，華語攏講『串』，但是台語講法無仝，塌空的台語量詞，照順序上適當的是： (A)捾、葩、枇、穗、捻 (B)枇、捻、葩、穗、捾 (C)捻、捾、枇、葩、穗 (D)穗、枇、捻、捾、葩

34. 以下有「手」的詞，意思解釋錯誤的是： (A)沐手：參與 (B)切手：斷絶 (C)冇手：大方、慷慨 (D)綴手：順手

35. 「米龜、草猴、牛螕、田嬰、密婆、烏蝛、杜定」，以上屬於「蟲豸」類總共有幾个： (A)8 (B)7 (C)6 (D)5

36. ｢這坩糜水份較少，煮了傷過□。」請問空格仔內底揀佗一个選項上適當？ (A)泔 (B)洘 (C)漖 (D)清

37. 下跤選項「 」當中，佗一个語詞有讀「輕聲」？ (A)伊「無去」學校 (B)厝內無摒掃真「驚人」 (C)恁查某囝敢「做人」矣 (D)愛較斟酌咧，較免「後日」仔才來後悔

38. (甲)毋通踮塗跤□。(乙)這領衫真合□。(丙)伊這站仔抽□起來。(丁)這手䘼我的手□袂過。以上空格的字，照順序應該是： (A)軁、躽、軀、躼 (B)躽、躼、軁、軀 (C)軁、軀、軁、躼 (D)躽、軀、躼、軁

39. 以下台語四字詞的華語解釋，佗一个選項差上濟？ (A)挽瓜揫藤：追根究柢 (B)烏魯木齊：胡說八道 (C)上卌袂攝：錯失良機 (D)有空無榫：不著邊際

40. 下跤台語詞彙，佗一个「走」的解釋佮其他上無仝？ (A)走縒 (B)走精 (C)走水 (D)走色

41. 下跤佗一句的數字讀音攏相仝？ (A)這「四」个少年人「不三不四」 (B)「十」全大補湯」有「十」个人買 (C)這「三」間廟攏有「三」太子 (D)校園內有種「七」欉「七」里香

42. 教育部台羅拼音的聲調符號標寫位置，下跤佗一个是正確的？ (A)/ua/，標佇u頂面 (B)/io/，標佇i頂面 (C)/ue/，標佇e頂面 (D)/au/，標佇u頂面

43. 以下形容人個性的詞，華語解釋意思無正確的是： (A)菁仔欉：做事莽撞 (B)厚譴損：十分迷信 (C)歹剃頭：技術不佳 (D)貓徙岫：不安於位

44. 根據教育部《臺灣台語常用詞辭典》用字原則，下跤正確的是： (A)『很香』的「phang」，寫做「芳」是「訓讀字」 (B)『妻子』義的「bóo」寫做「某」，是「借音字」 (C)『好人』的「lâng」，用「人」字，無用「儂」字，是「新造字」 (D)表示『長得高』的「lò」，寫做「躼」，這是用「本字」

45. 以下四字詞，華語解釋無正確的是： (A)青磅白磅：突如其來 (B)綿死綿爛：堅持到底 (C)歁頭歁面：羞於見人 (D)無攬無拈：無精打采

46. 以下所指的時間佮其他三个無仝的是： (A)拆箬 (B)對時 (C)貓霧光 (D)拍殕光

47. 以下佗一个詞無華語『正巧』的意思： (A)䢢拄䢢 (B)聖拄聖 (C)現拄現 (D)千拄千