114年 - 114-2 臺北市立陽明高級中學_教師甄選初選試題：閩南語科#139215

1.「ùn-tsiàng，請你開較緊咧！無，阮會袂赴_________。」請問空格仔內應該愛添佗一个？(A)車次(B)車班(C)車頭(D)車幫

2.「A-siông ta̍k-ji̍t khiâ oo-tóo-bái siōng-pan, _________＿ hit-ji̍t suah khì hōo tsi̍t tâi thôo-lá-khù kauh--sí!」請問空格仔內愛添佗一个選項？(A)聖拄聖(B)磕袂著(C)無疑悟(D)未曾未

3. 下底「　」內面漢字的聲母，佗一个是「零聲母」？(A)「宜」蘭(B)「印」鑑(C)「迎」神(D)「原」來

4. 下底佗一个詞彙的音讀是毋著的？(A)狀況 tsōng-khóng(B)態度 thài-tōo(C)原始 guân-sí(D)檔案 tòng-àn

5.「啥物！你連這______袂曉！」請問空格仔內應該愛添佗一字？(A)攏(B)都(C)著(D)就

6. 臺北人講的【雞摸 kue-bong】是指啥物？(A)雞腿(B)雞翼(C)雞爪(D)雞跤

7. 下底佗一句話是照咱的話在來的語法？(A)請恁較細聲開講咧(B)緊拍開電視看覓咧(C)這擺考試考甲足爛的(D)你知影伊是啥物人毋

8. 陳雷〈歡喜就好〉這塊歌有唱著「歸工嫌車無夠叭，嫌厝無夠大，嫌菜煮了無好吃，嫌某尚歹看」，請問頂頭這段歌詞有幾字無照《教臺典》的規範用字？(A)三(B)四(C)五(D)六

9. 根據《教臺典》，下底佗一字毋是替代字？(A)倩 tshiànn(B)才 tsiah(C)稻 tiū(D)莫 mài

10. 根據臺羅名姓的標注原則，戰後頭一位臺北市長「黃朝琴」應該標做下底佗一个？(A)N̂g Tiâu-khîm(B)N̂g Tiâu-Khîm(C)Tiâu-khîm N̂g(D)Tiâu-Khîm N̂g

11.「挽茶實在真艱苦，巴脊向天面向塗，憶著錢銀做衫褲，白白面肉曝甲烏。」請問這款文體號做啥物？(A)褒歌(B)雜唸仔(C)臆謎猜(D)囡仔歌

12.「阿華仔　大漢的已經做人矣，你叫彼个浮浪貢的莫閣佇遐咧閹雞趁鳳飛矣啦。」請問頭前這句話內底有幾字會做得讀輕聲？(A)四(B)五(C)六(D)七

13. 下底佗一个選項的入聲字上濟？(A)喙食予尻川坐數(B)草地親家坐大位(C)行船走馬三分命(D)一句話三角六尖

14. 下底佗一字有方音差？(A)「木柵」的「柵」(B)「錫口」的「口」(C)「干豆」的「豆」(D)「雙園」的「園」

15. 下底佗一个毋是咱的話的外來借詞？(A)月給 gue̍h/ge̍h/ge̍rh-kip(B)注射 tsù-siā(C)撆紮 pih-tsah(D)脫線 thuat-suànn

16. 臺北人講的「iam-mi」是指下底佗一種蟲豸？(A)『蜘蛛』(B)『蜻蜓』(C)『蝴蝶』(D)『蜥蜴』

17. 舊曆十月二二「艋舺大拜拜」是下底佗一个民俗活動？(A)迎媽祖(B)迎城隍(C)迎土地公(D)迎青山王公

18. 根據《臺灣台語羅馬字拼音方案使用手冊》，下底佗一个講法是正確的？(A)「狗」的聲調是第六聲。(B)第九聲是指所有的合音字。(C)元音/o/實際有[o]、[ɤ]、[ǝ]的方音變體。(D)雙字母的元音，調符標記佇第二个字母。

19. 有關連字符「-」的描述，請問下底佗一个無正確？(A)連字符「-」頭前一定愛變調。(B)「有」、「無」佮後壁所接的形容詞分寫，ex. ū suí。(C)動補結構的補語為單音節者，補語佮前字連寫，ex. kóng-suah。(D)名方結構的方位詞為多音節者，多音節方位詞分寫，ex. toh-á tíng-kuân。

20.「…… tī Ji̍t-pún ê chng-siā ū chi̍t-lâng khì hioh tī hit kheh-tiàm, tī hia chia̍h hó-mi̍h, iā tòa hó só͘-chāi, chhiáⁿ lâng lâi chhoe-siau chhiùⁿ-khek, ……」，請問這款書寫形式號做啥物？(A)臺羅字(B)白話字(C)孔子字(D)唐人字

1. 內容

2. 設備

3. 假使

4. 是非

5. 判斷

1. 這條椅仔做了誠「tīng-tauh」。

2. 伊這个人實在有夠「hi/hu/hir-hua」的！

3. 毋通干焦會曉覕踮網路頂共人「king-thé/thué」！

4. 有人出世有「ke-hué/hé/hér」，兄弟無量起冤家。

5. 爸母攏去拄著不幸，賰恁兩姊弟仔，家己著較「giám-ngē/ngī」咧！

第三部份：文章寫作（計共10分）
請你以「歇睏日」為題目，用「全臺羅」的方式寫一篇短文。（250-300字之間）

第三部份：課程設計（計共10分）
114年起，全國語文競賽本土語文情境式演說調整做文字題說明，請你以本土語文教師的專業，用「臺文」寫出一份訓練高中生參加縣市語文競賽「情境式演說」的培訓計畫，訓練期間以三月日為限。