【第 1 條】一般人認為運動對健康真有幫助，請你用一項佮意的運動來說明你的看法。

第三部份文章朗讀 ※準備的時間 30 秒，朗讀的時間 1 分 30 秒，閣賰 20 秒的時會「tng」2 聲提醒。澳洲樹林是按怎會火燒山？著火上捷的起因，是天頂霆雷公敲佇焦燥的土地，閣來，是人為的因素，比如講有人擲薰橛仔，抑是放火，最後造成火勢無法度控制。澳洲火燒山的危險期按 10 月一直到隔冬 3 月，對春尾、規个熱天到早秋，也就是氣溫上懸、濕度上 kē 的時陣。科學家指出，對自然條件來講，澳洲是全世界上厚火燒山的所在，而且，氣候的變遷，若像予澳洲的野火閣較猛。「野火協同研究中心」指出，氣候變遷、洘旱會改變野火的特性、強度佮火燒的時間。澳洲因為燒熱、焦燥，佮本底就?著火的柴草，像講厚油質的尤加利等等，所以曠野著火就變成無可避免的自然現象。