113年 - 113 桃園市國民中學新進教師甄選試題：本土語文(閩南語文)科#120374

科目：教甄◆閩南語科（台語） | 年份：113年 | 選擇題數：50 | 申論題數：0

試卷資訊

所屬科目：教甄◆閩南語科（台語）

選擇題 (50)

51. 臺語的聲調有八音的調序，請問下面佗一組語詞｢｣內底的字本調攏是｢陽入｣？ (A) 抾｢捔｣/相｢敆｣ (B)平｢仄｣/／粽｢箬｣ (C)｢捋｣鹽／｢凹｣鼻 (D) 扭｢搦｣/拍｢獵｣。

52. 臺語的音節結構會當分做聲母、韻頭、韻腹、韻尾，請問｢阿姆（a-ḿ ）｣的｢m｣是囥佇佗一位？ (A) 聲母 (B)韻頭 (C)韻腹 (D) 韻尾。

53. 請問下面｢｣內底佗一个音毋是鼻音韻？ (A) 烏｢昏｣ (B)｢生｣鐵 (C)｢內｣分泌 (D) ｢茅｣仔草。

54. 請問下面佗一个選項前後兩句｢｣內底的字讀音相仝？ (A) 佇田園附近攏會看著斑｢鴿｣咧飛／聽講伊較早靠賽｢鴿｣趁袂少錢 (B)阮兜的箱｢籠｣已經有二十冬的歷史矣／箸愛收佇箸｢籠｣，按呢較整潔 (C)若發生代誌，請你佮我聯｢絡｣／予人掠龍，規身軀的筋｢絡｣就加較輕鬆 (D) 朋友之間就算講真｢靠｣俗，講話嘛愛有站節／伊｢靠｣勢老爸有錢，就真囂俳。

55. ｢南管｣佮｢北管｣攏是傳統的音樂文化，請問下面佗一个選項是對｢北管｣的描述？ (A) 聽起來較鬧熱，廟會迎神、做醮會當聽著 (B)以唱曲為主，唱念的時使用的語音是「中州韻」 (C)對宜蘭發源，是臺灣目前上興的傳統戲曲表演 (D) 捌入宮表演，所以有「御前清客，五少芳賢」的故事流傳。

56. 請問下面佗一个外來語的語源佮其他三个無仝？ (A) 這个｢見本｣予你參考，看了才還我就好 (B)伊是佇碼頭做工的｢苦力｣，逐工攏足早就出門 (C)你好，請問｢便所｣佇佗位? (D) 阿姊今仔日穿這領｢紺色｣的洋裝實在真媠。

57. 請問｢落勾、落選、落雨、拍交落、落尾手｣的｢落｣攏總有幾个讀音？ (A) 3 (B)4 (C)5 (D) 6

58. 請問「國家語言發展法」是佗一年公布的? (A) 2016 (B)2019 (C)2021 (D) 2023。

59. 臺語有真濟｢ABB｣型式的形容詞，請問下面佗一个語詞寫法毋著？ (A) 伊的性地｢惡確確｣，莫怪無人欲佮伊做朋友 (B)小妹的頭鬃電甲｢膨獅獅｣，看久閣真古錐 (C)阿母今仔日穿甲｢媠噹噹｣，毋知敢是欲去予人請 (D) 這條數學老師講甲喙角全泡，我是聽甲｢霧煞煞｣。

60. 請問下面｢｣內底佗一組字音的聲母拄好是｢鼻音／濁音｣的關係？ (A) ｢橫｣直/昨｢昏｣ (B)｢卯｣喙/｢門｣生 (C)｢磨｣粿/徛｢眉｣ (D) ｢擔｣頭/鱸｢鰻｣。

61. 請問下面｢｣內底佗一組字音的聲母毋是｢送氣／無送氣｣的關係？ (A) ｢捀｣斗／｢縫｣衫 (B)布｢篷｣／衝｢碰｣ (C)｢虯｣毛／｢勼｣跤 (D) ｢掰｣開／喙｢䫌｣。

62. 語法結構內底，｢述賓式複合詞｣是動詞加名詞，名詞是動詞的賓語，請問下面佗一个毋是這種｢述賓式複合詞｣? (A) 伊今仔日上體育課，無細膩摔甲｢跛跤｣ (B)新的手機仔欲｢上市｣矣，店門口已經有人咧排隊 (C)愛學會曉｢算數｣才袂吃虧 (D) 這件代誌愛｢講明｣，以後才袂有糾紛。

63. 請問以下佗一篇小說毋是「臺灣新文學之父」賴和的作品？ (A) 《鬥鬧熱》 (B)《一桿稱仔》 (C)《豐作》 (D) 《新興的悲哀》。

64. 下面的臺語詞彙，佗一个佮其他的語詞構詞結構方式無仝？ (A) 摃鐘 (B)拍鱗 (C)範勢 (D) 弄獅。

65. ｢我上驚蟲豸，尤其是( )。｣請問下面四个詞內底，佗一个上無適合添佇 ( )內底？ (A) 娘仔 (B)密婆 (C)杜猴 (D) 虼蚻。

66. 《臺日大辭典》是日語佮臺語對譯，佇日本時代臺語文發展真重要的一部辭典，請問《臺日大辭典》是佗一位語言學家主編的？ (A) 杜嘉德 (B)甘為霖 (C)上田萬年 (D) 小川尚義。

67. 臺語孽譎仔話真趣味，有的是諧音、有的是雙關。請問下面佗一句孽譎仔話對應的語詞毋著？ (A) 老人食麻油：鬧熱 (B)兩角找五分：覺悟 (C)十二月芥菜：假有心 (D) 甘蔗規欉哺：無站節。

68. 臺語有一字多音的現象，一字毋但有兩个音，甚至有五、六个音。請問下底佗一个詞有上濟語音？ (A) 向 (B)佮 (C)相 (D) 共。

69. 臺語語音有真濟俗讀佮誤讀，若將下面的詞本來的誤讀改做臺語正音，佗一个改了毋著去？ (A) 逃「避」phiah → pī (B)「弊」案 piah → pè (C)內「容」jiông → liông (D) 批「筒」tháng → tâng。

70. 下底用「牛」做主題的諺語，佗一句的牛隱喻意思無仝？ (A) 細漢不讀冊，大漢青盲牛 (B)一隻牛剝雙領皮 (C)無牛駛馬 (D) 一隻蝨母嗙甲水牛大。

71. 共、佮、甲因為音近，定定寫毋著。下底選項內有共、佮、甲三字，佗一个寫了無正確？ (A) 食魚食肉，也著菜佮 (B)我佮阿如去共老師拜託 (C)你走甲規身軀汗，暫時莫共我徛做伙 (D) 閣予伊拖拖沙沙嘛毋是辦法，規氣咱來共伊鬥做。

72. 佗一个題項無「ik」韻的字？ (A) 失德 (B)撨摵 (C)乞龜 (D) 迫促。

73. 佗一个選項內的詞語使用無正確？ (A)硬煏煏 (B)金袚鍊 (C)諞仙仔 (D)歕雞胿。

74. 比較諺語，佗一句的意思無仝？ (A) 碎食，袂飽。碎做，無工 (B)食，食人半。做，做半人 (C)食飯大碗公，做工課閃西風 (D) 食若拚，做若倩。

75. 臺語形容詞三疊詞是為著表達程度提升，有的字調組合會共第一个字讀第九調，佗一个題項毋是這款的聲調變化？ (A) 足足足 (B)烏烏烏 (C)開開開 (D) 白白白。

76. 題項內的語詞，佗一个無正確？ (A) 拚掃 (B)四界抨 (C)水泱 (D) 拍生驚。

77. 下底的諺語，佗一个意思無仝？ (A) 淡水魚，入鹹水港 (B)活活馬，縛佇死欉樹 (C)好琵琶，吊佇壁 (D) 淺山，袂飼得獅王。

78. 佗一个毋是臺語韻冊語音系統內底的「青更類」字？ (A) 星 (B)病 (C)嬰 (D) 圓。

79. 漢羅合用羅馬字的使用原則，佗一个毋著？ (A) 模擬聲音的詞用羅馬拼音 (B)一字多音的狀況之下，較罕見的字音用羅馬拼音 (C)《教育部臺語辭典》的替用字寫羅馬拼音 (D) 有特別的腔口欲描寫出來的時用羅馬拼音。

80. 下底的漳、泉腔音字配合，佗一个是毋著的？ (A)「芹菜」（泉）khîn-tshài / （漳）khûn-tshài (B)「雞肉」（泉）kue-bah / （漳）ke-bah (C)「皮鞋」（泉）phê-uê / （漳）phuê-ê (D)「關門」（泉）Kuinn-mn̂g /（漳）Kuainn-muî。

81. 白話字和臺羅的轉換，佗一个轉換毋著。 (A) Cháu-chhō e → Tsáu-tshuē (B)O͘ -iáⁿ → O-iánn (C)Koân-tō a → Kuân-tuā (D) Éng-oán → Íng-uán。

82. 語言內一寡仔捷用的語法詞，較有可能產生語音變體，透過田野調查，咱知影臺語的「抑」有真濟讀音，下跤佗一个語音無收佇教育部辭典內。 (A) ia̍h (B)ah (C)iah (D) á。

83. 下面佗一个發音的偏誤是屬於發音位置的偏誤？ (A) 共 bí 讀做 mí (B)共 gâu 讀做 kâu (C)共 ngiau 讀做 niau (D) 共 lân 讀做 nân。

84. 下底佗一个詞無合音的讀法？ (A) 今仔日 (B)敢若 (C)查某囝 (D) 出來。

85. 「白翎鷥，車畚箕，車到溪仔墘，跋一倒，抾著一仙錢」，有關這首唸謠，下面佗一个選項正確？ (A) 韻跤是「鷥、箕、墘、倒、錢」 (B)閩南語的口韻母會當佮鼻韻母押韻 (C)韻跤的聲調攏仝款 (D) 韻跤攏是開口呼。

86. 下底的詞彙攏有「仔」，其中佗一个詞的結構佮其他三个無仝款？ (A) 母仔囝 (B)翁仔某 (C)尪仔冊 (D) 衫仔褲。

87. 下底的詞攏有「頭」，其中佗一个詞的「頭」毋是詞綴？ (A) 日頭 (B)幌頭 (C)石頭 (D) 柴頭。

88. 俗語話「好額毋值著會食，好命毋值著勇健。」，下底佗一句講了毋著？ (A) 翻做華語是「有錢人不值得吃好吃的，好命人不值得身體強健。」 (B)較倚意的俗語話是「好額較輸會食，好命較輸勇健。」 (C)會當改寫做「會食較贏好額，勇健較贏好命」 (D) 嘛會當改寫做「會食比好額較好，勇健比好命較好」。

89. 講著「生囝師仔，飼囝師傅。」這個俗語話，下底佗一个講法毋著？ (A) 「師仔」就是華語的「學徒」，「師傅」是華語的「師傅、老師」 (B)意思是講「佮教示囡仔相比，生囝較簡單」 (C)頂面俗語話內底兩个「師」都毋是讀本調 (D) 較倚意的俗語話是「生的請一邊，養的恩情較大天。」

90. 下面的字攏有兩个讀音，佗一組的讀音是臺灣閩南語的腔口差？ (A) 平（pênn : pînn） (B)方（png : hong） (C)正（tsiànn : tsìng） (D) 圓（ înn : uân）。

91. 以下哪一項十二年國教閩南語文科目課目的學習重點「聆聽」類別的學習表現？ (A) 能主動注意並理解科技、資訊及各類媒體的閩南語資訊 (B)能妥善運用科技媒材增進閩南語的口語能力 (C)能主動利用資訊科技和媒體，進行閩南語文的閱讀 (D) 能運用閩南語文媒材、工具書或線上字、辭典檢索系統以輔助書寫。

92. 「輕聲」是臺語聲調真特別的表達方式，有可能是「虛詞」、「詞組尾溜」等等，請問下面佗一句｢｣內底無輕聲？ (A) 隨講隨｢袂記得｣，有影老矣 (B)已經開始報到矣，你緊共｢?去｣ (C)遮的囡仔攏總有｢七个｣，攏算半票 (D) 彼隻蟲本底就是｢死的｣，我無共拍喔。

93. 臺語有真濟外來語，請問下面佗一个毋是外來語？ (A) 這擺買的彩券又閣｢kòng-ku｣，後擺無愛買矣 (B)若是有一塊｢tha-khú-áng｣通配，白飯會當加食幾偌碗 (C)小弟食甲規面｢hue-pa-li-niau｣，趕緊共拭拭咧 (D) 我早頓食兩片｢sio̍k-pháng｣爾爾，這馬已經咧枵矣。

94. 臺語有真濟形容聲音的語詞，請問下面佗一句的用法毋著？ (A) 鉸刀的聲｢削削叫｣，聽著會起雞母皮 (B)外口的風｢咻咻叫｣，袂輸咧做風颱 (C)囡仔人食餅食甲｢摳摳叫｣，敢若足好食 (D) 蠓仔佇耳空邊｢嗚嗚叫｣，害我睏袂去。

95. 農民種作愛照二十四節氣行，請問下面佗一組的分類有毋著？ (A) 春：雨水、清明、春分、穀雨 (B)夏：芒種、處暑、夏至、大暑 (C)秋：立秋、白露、寒露、霜降 (D) 冬：小雪、大雪、冬節、大寒。

96. 針對小說內容，照你的推斷，佗一个選項的分析是毋著的？ (A) 作者出國了後無偌久，二二八事件發生，湯德章先生佇石像公園予人槍殺 (B)二二八事件的影響之下，無論是當事者抑是家屬，甚至一般的民眾來講，攏是真恐怖的代誌 (C)作者是欲傳達二二八事件對臺灣的傷害真大 (D) 小說咧記錄二二八，所以作者和阿珠應該是真正經歷湯德章事件的人。

97. 根據頂面的內容改寫做教育部標準臺語漢字，以下選項佗一个是正確的？ (A) 原文「阮三個人坐 tī hit 間小小 ê 鉛 phiánn 厝內面」，全漢寫做「阮三個人坐佇彼間小小的鉛鈵厝內面」 (B)原文「阿珠 iáu 會記得，我買粽藏 tuà 冊內面，我問伊 iáu 有 teh 賣粽無？」，全漢寫做「阿珠猶會記得，我買粽藏蹛冊內面，我問伊抑有咧賣粽無？」 (C)原文「我會記得 hit 時湯德章先生 hōo 人槍殺了，伊 ê 身屍 tàn tī 石像公園，三暝三日無人敢去收 tâi。」，全漢寫做「我會記得彼時湯德章先生予人槍殺了，伊的身屍擲佇石像公園，三暝三日無人敢去收埋。」 (D) 原文「有一日伊 tī 公園路口 hōo 一隻十輪大卡車撞死， teh 死 tī hit 叢鹽桑樹 ê 頭前，伊 ê 菜粽 iā kah 一四界。」，全漢寫做「有一日伊佇公園路口予一隻十輪大卡車撞死，砮死佇彼叢鹽桑樹的頭前，伊的菜粽掖甲一四界。」。

98. 根據詩句內容，下底的選項佗一个正確？ (A) 「舌頭佮筆尾愛合一」，意思是寫作的時，內容愛一面寫一面唸，文字才有聲情 (B)這首詩咧講臺灣佇日本統治之下的政治和文化思考，認為臺灣人應該講臺灣話，用臺灣話傳承臺灣文化 (C)作家長期流亡海外，才寫出懷念臺灣的相思歌 (D)「悶悶悶」是臺語特別的形容詞構詞，第一字愛唸本調，才會當特別強化形容詞高級的程度。

99. 根據詩句內容，下底的選項佗一个正確？ (A) 照作者康原的詩句，伊嘛是臺語作家，受賴和影響 (B)和仔仙的稱呼是因為文學界認同賴和的文學地位 (C)「相思歌」是日本民謠 (D) 1930 年代是日本政府管制較無嚴的時期，嘛鼓勵創作，賴和才有自由的本土語書寫空間。

100. 根據你對臺語文學和第一改鄉土論戰的認知，下底的選項佗一个正確？ (A) 賴和是臺灣頭一个用全臺語創作的作家 (B)1930 年代的鄉土論戰透過理論探討和創作實踐，最後有成功，這个時期的影響延續到今 (C)賴和大部分的作品透濫各種語言，有臺、日、華、英佮南島語 (D) 黃石輝的名句「你是臺灣人，你頭載臺灣天，腳踏臺灣地……。」嘛是這个時期的創作。

申論題 (0)